Akitaniako arroa Frantziako bigarren arro sedimentario mesozoiko eta zenozoiko handiena da, Parisko arroaren ondoren. Herrialdeko hego-mendebaldeko koadrantearen zati handi bat hartzen du. Bere azalera 66.000 km2-koa da. Variskar orogenian sortu zen, Permiar garaian penezabaldi bilakatu eta gero Triasiko goiztiarrean behera abiatu zena. Parentis eta Pirinio azpiko arroetan — biak Akitaniako arro nagusiaren azpi-arro sedimentarioak — sotoa hamaika mila metroko sedimentuz estalia dago.